Հոդային խնդիրների բուժումը վաղ փուլերում Just Artmed էնդոպրոթեզավորման կենտրոնում սկսվում է պահպանողական եղանակներից։ Մենք ձգտում ենք առավելագույնս պահպանել մարդու բնական հոդը։
Ամբողջ աշխարհում պահպանողական բուժումը հիմնականում բաժանվում է 2 ուղղության՝
• Դեղորայքային բուժում
• Ներհոդային ներարկումներ
Դեղորայքային բուժման ժամանակ հիմնականում օգտագործում ենք խոնդոպրոտեկտորներ, որոնք վերականգնում և պահպանում են վնասված աճառային հյուսվածքը։

Ներհոդային ներարկումների ժամանակ կիրառում ենք հիալուրոնաթթու, ինչպես թրոմբոցիտներով հարուստ զանգված և ցողունային բջիջներ։ Մեթոդն ընտրվում է՝ ըստ ցուցումների ու պացիենտի ցանկության։ Ներարկումները հնարավորություն են տալիս վերականգնել հոդի շարժունակությունը, վերացնել ցավը և առավելագույնս հետաձգել էնդրոթեզավորումը։
Հենց այդ պատճառով շատ կարևոր է հոդերում ցավերի, շարժումների սահմանափակության զգացողության դեպքում անհապաղ դիմել բժշկի, քանի որ պահպանողական միջոցները հնարավոր է կիրառել միայն ոչ բարդացած դեպքերում։

Էնդոպրոթեզավորումը վիրահատություն է, որի ժամանակ ախտահարված, ոչ ֆունկցիոնալ հոդը հեռացվում է, և այդ հոդի փոխարեն տեղադրվում է արհեստական իմպլանտ, որն իր ֆունկցիոնալությամբ 95-98%-ով փոխարինում է մարդու բնական հոդին։ Էնդոպրոթեզավորումը թույլ է տալիս կարճ ժամկետներում վերականգնել ախտահարված հոդի շարժունակությունը, բացառել երկարատև անշարժացումը և անհամեմատ բարելավել պացիենտի կյանքի որակը։

Just ArtMed էնդոպրոթեզավորման կենտրոնը համագործակցում է միջազգային առաջատար ընկերությունների հետ, որոնք առաջարկում են կոնքազդրային հոդի և ծնկան հոդի էնդոպրոթեզավորման համար անհրաժեշտ իմպլանտների և դետալների մեծ տեսականի։
Էնդոպրոթեզների առկա մեծ տեսականին մեզ հնարավորություն է տալիս ցուցաբերել անհատական մոտեցում յուրաքանչյուր դեպքի համար՝ կախված խնդրի բարդությունից, պացիենտի տարիքից, քաշից, ոսկրային հյուսվածքի կառուցվածքից։ Կարողանում ենք լիարժեք օգնություն ցուցաբերել թե առաջնային և թե ռևիզիոն վիրահատությունների անհրաժեշտության պարագայում։
Just Artmed կենտրոնում ներդրվել և ներդրվում են բազմաթիվ ծրագրեր, որոնք թույլ են տալիս հասարակության տարբեր խմբերի համար իրականացնել էնդոպրոթեզավորումը աննախադեպ մատչելի գներով։ Մեր կենտրոնի սկզբունքն է՝ պացիենտները չպետք է ստիպված լինեն հրաժարվել էնդոպրոթեզավորումից ֆինանսական պատճառներով։
Ավելին, Just Artmed էնդոպրոթեզավորման կենտրոնում Ձեզ անվճար կտրամադրվի հիվանդասենյակը, կտրամադրվեն նաև վիրահատության և հետվիրահատական վերականգնման համար անհրաժեշտ պարագաներ։ Դուք ստանում եք բարձրակարգ ծառայություններ մեկ տեղում, վճարում եք մեկ անգամ՝ մատչելի գին և ունենում բազմաթիվ առավելություններ։
Մեր կենտրոնում կիրառվող պրոթեզները ունեն ISO, GMP, CE և FDA սերտիֆիկացիա և վիրահատությունից հետո էնդոպրոթեզի հետ որևէ անկանխատեսելի խնդրի դեպքում մենք ստանձնում
ենք լիարժեք պատասխանատավություն։
Մեր կենտրոնում կիրառվող էնդոպրոթեզները ունեն ևս մեկ շատ կարևոր առավելություն՝ ՄՌՏ թուլտվությամբ տիտանե էնդոպրոթեզներ են, ինչը նշանակում է, որ էնդոպրոթեզավորված բուժառուն կարող է անհրաժեշտության դեպքում անցնել ՄՌՏ հետազոտություն՝ չվախենալով մետաղական կոնստրուկցիայի առկայությունից։

Վերականգնե՛ք ձեր կյանքը մեզ հետ, այցելե՛ք Just Art Med էնդոպրոթեզավորման կենտրոն։Ձեր առողջությունը մեզ համար առաջնահերթություն է։ Քայլեք առանց ցավի։

Բուժառուն, ով պետք է ենթարկվի էնդոպրոթեզավորման, անցնում է նախավիրահատական հետազոտություններ։ Եթե չկան հակացուցումները, ապա վիրահատությունը կազմակերպվում է հենց հաջորդ օրը: Այն տևում է 1-1,5 ժամ։ Վիրահատության հաջորդ օրը բուժառուն սկսում է քայլել: Հիվանդանոցային օրերի քանակը կախված է տարիքից, հարակից առողջական խնդիրներից․ սովորաբար ամենաուշը 5-րդ օրը դուրս ենք գրում հիվանդանոցից։ 10-րդ օրը հեռացվում են կարերը, 40 օր բուժառուն անցնում է ռեաբիլիտացիոն շրջան, որի ընթացքում պետք է հետևի բժշկի կողմից տրված հատուկ գործողությունների ցանկին՝ (ինչ պետք է անել տանը, ինչ շարժումներ չի կարելի անել,ինչ դեղորայք պետք է օգտագործի, ինչպես պետք է քայլել)։ Վերականգնողական շրջանի ավարտից հետո պացիենտը որևէ սահմանափակում չունի, կարող է զբաղվել սպորտով, լողով։ Էնդոպրոթեզավորումը չունի տարիքային սահմանափակումներ։

Արթրոսկոպիան միջամտություն է, որը օգտագործվում է հոդերի տարաբնույթ պաթոլոգիաների բուժման համար։ Ներկա ժամանակներում արթրոսկոպիկ վիրաբուժության հնարավորությունները բավականին մեծ են, եթե նախկինում արթրոսկոպիան հիմնականում կիրառում էին ախտորոշման նպատակով, ապա վերջին տասնամյակում այն օգտագործում են բուժական նպատակով՝ որպես ներհոդային վիրահատության ժամանակակից մեթոդ։
Արթրոսկոպիկ միջամտությունը ունի մի շարք առավելություններ․
• քիչ ինվազիվ եղանակ
• մեծ կտրվածքների բացակայություն
• վերքերի արագ լավացում
• հիվանդի շուտ ապաքինում
Արթրոսկոպիայի ժամանակ ողնուղեղային անզգայացման պայմաններում 5-8մմ երկու անցք է բացվում ծնկան հոդի շրջանում։ Մի անցքով տեղադրվում է արթրոսկոպը, որը ցույց է տալիս վնասված օջախը, մյուս անցքով տեղադրվում է գործիքը, և կատարվում է անհրաժեշտ գործողությունը․ վնասված հատվածի հեռացում։

Just Artmed էնդոպրոթեզավորման կենտրոնում կատարվում են վերին ու ստորին վերջույթների բոլոր հոդերի` ծնկան հոդի, ուսահոդի, արմնկային հոդի, սրունք-թաթային հոդի, կոնքազդրային հոդի արթրոսկոպիկ վիրահատություններ։

Այս վիրահատությունները սովորաբար տևում են 30 րոպեից մինչև 1 ժամ։

Hallux Valgus-ի կամ ոտնաթաթի առաջին մատի արտաթեքվածության ժամանակ նկատվում է ոտնաթաթի առաջի մատի վալգուսաձև դեֆորմացիա, որն առաջացնում է արտահայտված ցավային համախտանիշ, կոշիկ կրելու դժվարություն, ոտնաթաթերի էսթետիկ տեսքի փոփոխություն։
Այս խնդիրը հիմնականում առաջանում է երիտասարդ և միջին տարիքային խմբի կանանց մոտ։
Ու՞մ դիմել այս պարագայում և բուժման ի՞նչ մեթոդներ են առկա։
Նշենք, որ այս խնդրի լուծումը մեծամասամբ պահանջում է վիրահատական բուժում։
JustArtmed կենտրոնում հաջողությամբ իրականացվում է Hallux Valgus-ի վիրահատական բուժում՝ քիչ ինվազիվ եղանակով, որը թույլ է տալիս բուժառուին գտնվել հիվանդանոցում մեկ օր, նույնիսկ երկու կողմից կատարված վիրահատության պարագայում, իսկ վիրահատության հաջորդ օրվանից սկսել քայլել, հատուկ դրա համար նախատեսված կոշիկներով։
Մեր կլինիկայում ներկա պահին գործում է բացառիկ առաջարկ կապված Hallux Valgus-ի վիրահատական բուժման ուղղությամբ։